Behar duzuna neurtu, moztu eta instalatzen dugu.
Etxebarru 1976. urteean ireki genuen denda familiarra da. 44 urteotan bezeroekiko zuzeneko harremanak jorratu ditugu, gertutasunean eta adeitasunean oinarritutakoak, komertzio tradizionalak berezkoa duen bezala. Etxeen dekorazioaren esparruan eskarmentu handia hartu ahal izan dugu, bezeroen beharrak eta gustuak jasoz, eta uneroko abangoardiako diseinu eta materialak denen eskura jarriaz. Horrela uztartzen ditugu tradizioa eta etorkizuna.
Gure espezialitatea zuzeneko zerbitzu malgua da: Zure etxeko neurriak hartuko ditugu, produktua geure tailerrean zure beharretara moztu edo moldatuko dugu, eta guk instalatuko dizugu, modu azkar eta erraz batean.
Espazioak produktuei moldatu behar izan ordez, guk moldatzen ditugu produktuak zure espazioetara. Zure leihoak, balkoiak edo lurrak neurtzera joango gatzaizkizu, zuk aukeratutako gortina, panel japoniarra, biribilgarria, estorea, beneziarra, bertikala edo alfonbra moztuko dizugu, eta etxean instalatuko dizugu.
Halaber aholkatuko zaitugu, dekorazioan ohikoak diren gaien inguruan: Argitasuna, koloreak, moldagarritasuna edo existitzen diren sistema guztiei buruz, guztia gera dadin zeure gustura.